Реалыг аваргын баяраа тэмдэглэж байх хооронд Барса мөн Мессигийн дээд
амжилтыг тэмдэглэж байлаа. Барсачууд Малагаг 4 : 1-ээр буулган авсан
бөгөөд Месси уг тоглолтонд хет-трик хийснээр энэ улиралд бүх тэмцээнд 68
гоолтой боллоо.
Ийнхүү тэрээр домогт Герд Мюллерийн нэг улиралд 67 гоол оруулж
байсан 1972-73 оны улирлын амжилтыг даван гарч байна. Ла лигт Месси 46
гоолтой мэргэн буучдын жагсаалтыг тэрүүлж байгаа. Месси болон Роналду
нар тус бүр 7 удаа хет-трик энэ улиралд хийжээ.
Мессигээс гадна дээрхи тоглолтонд Барсагаас Карлес Пуйоль нэг гоол
оруулсан юм. Барса энэ хожлыг авснаар 87 оноотой болсон. Гэхдээ Реал
Мадрид 94 оноотой байгаа учир тэднийг гүйцэх боломжгүй болсон билээ.
|