Би цэцэг баймаар.

Хайртай чинийхээ хажууд дэлгэрч ургасан
Хайрын бэлгэдэл цагаан уул цэцэг баймаар байна.
Хамаг бүхнээс харамлан хамгаалж
Халуухан хайраараа усалж тордоорой.

Янагхан чинийхээ дэргэд унжиж ургасан
Ялгуун гоо ялдам цэцэг баймаар байна.
Ямар ч үед нулимсыг нь урсгалгүй
Яруухан сэтгэлээр энхрийлж ургуулаарай.

Цэвэрхэн чинийхээ хажууд босоо ургасан
Цэцгийн хаан цахирмаа баймаар байна.
Цээжний гүнээс хатан шиг тахиж
Цээлхэн инээдээрээ аргадаж тордоорой.

Голоос хайртай чинийхээ хажууд нуугдаж ургасан
Гоо үзэсгэлэнгийн бэлгэдэл нарцисс цэцэг баймаар байна.
Гоёмсоглон байрлуулж илбэн энхрийлэн
Гомдоолгүй асран тордож ургуулаарай.

 -------------------------------------------------------

Мөрөөдлөө би урт шүлэг болгомооргүй байна
Мөнхийн хайр чамайгаа тэврээд л алдмааргүй байна
Хайраа би хэн нэгэнтэй хуваамааргүй байна
Хадгалж байгаад ганцхан чамдаа өгмөөр байна

 ----------------------------------------------------------

Би чамаас гарыг чинь гуйя тэврээч
Би чамаас нүдийг чинь гуйя тэврээя
Би чамаас уруулыг чинь гуйя үнсээч
Би чамаас зүрхийг чинь гуйя хайрлаач

---------------------------------------------------------

Утасны цаанаас чинийхээ дууг сонсоход
Уулс талаар нисэн дүүлэх шиг хөөрдөг
Уулзаагүй нэг мөч хором бүрт
Уулын бэлд уйтгарлан суух шиг болдог

---------------------------------------------------------

Үнэнчээр чамайгаа хүлээх минь хэвээрээ
Өвдтөлөө санаад уйлах минь хэвээрээ
Өөрөөс минь холч итгэсэн хэвээрээ
Үнэхээр би чинь чамдаа хайртай

----------------------------------------------------------

Амьдралд би чамтай учирсандаа
Ариун хайраа чамдаа өгсөндөө
Хамгаас азтайд би өөрийгөө тооцдог
Хамгаас хайрт чамдаа би
Бүхнээс илүү хайртай