Гурван төрлийн уур байдаг:

1.Хүчээр дарсан уур

2.Нээлттэй–түрэмгий уур

3.Идэвхгүй–түрэмгий уур

Хүчээр дарсан уур гэж юу вэ?

•      Бусад хүмүүс миний талаар юу гэж бодож байгаа бол гэж маш их санаа зовж, гаднах байдлаараа бүх юм зүгээр байгаа мэт дүр үзүүлэх

•      Маргаантай асуудлаар ярилцахаас зайлсхийж, дотроо дургүйцлээ хадгалах

•      Танд уур, дургүйцэл байхгүй байгаа мэт дүр үзүүлэх

•      Үргэлж өөрийнхөө зөв эсэхэд эргэлзэх

•      Бусдын хүчтэй хүсэл санааны өмнө бууж өгч, өөр арга зам байхгүй гэж бодох

•      Маш хүчтэйгээр илэрсэн сөрөг мэдрэмжээ, нэг ч үг хэлэхгүйгээр дуугүй өнгөрөөх

•      Та хүсэхгүй байгаа боловч хүчээр эелдэг, найрсаг байдал үзүүлж, дэмжигчийн дүрд тоглох

Нээлттэй - түрэмгий уур гэж юу вэ?

•      Бусад санал бодолд зай өгөхгүйгээр хатуу чанга харилцаагаар дамжуулж өөрийн     зөв гэдэгт үнэмшүүлэхийг оролдох

•      Шууд ба эрс тэс байдал гаргах

•      Хэрүүл, маргаанд үргэлж оролцох

•      Загнаж, дайрч доромжилсон үг хэллэг хэрэглэх

•      Биеэрээ айлгах: түлхэх, цохих, юм шидэх

•      Сонсохыг хүсэхгүй, бусдын яриаг таслах

•      Буруутгалаас айж хариу үйлдэл үзүүлэх: няцааж, татгалзаж, өөрийгөө хамгаалж

•      Хүчтэй гэсэн сэтгэгдэл төрүүлэх эрмэлзэл. Би гол хүн нь, хүчтэй гэж харагдах

Идэвхгүй - түрэмгий уур гэж юу вэ?

•      Нөгөө хүн таны юу бодож байгааг мэдэх нь чухал гэдгийг ойлгож байгаа боловч        дуугүй байх

•      Та энэ зүйлийг хийхгүй гэж мэдэж байгаа боловч хийхийг зөвшөөрөх

•      Хүчээ бүрэн гаргалгүй хагас хүчээр хийх (Дургүйд хүчгүй)

•      Нөлөө бүхий дарга, найз гэх мэтийн өмнө хамт байхдаа сайн дүр үзүүлэх  боловч, байхгүй үед нь эсэргүүцэх, дургүйцэх

•      Хүмүүст маш ховор нүүрэн дээр нь хэлэх ба ар  хударгаар нь үргэлж гомдлох

•      Үүрэг хариуцлагаа биелүүлэхдээ удаан хойрго хандах ба залхуурах, тоглох

Уураа хүчээр дардаг хүмүүс ингэснээрээ нөхцөл байдлыг хянах гэж оролддог. Нээлттэй-түрэмгий ууртай хүмүүс юу хүсэж буйгаа хурцаар илэрхийлдэг. Идэвхгүй-түрэмгий ууртай хүмүүс хамгийн ихээр бусдыг хянах хандлагатай байдаг

Уураа буруугаар илэрхийлэхээс ангижрах арга замууд:

* Бусдын алдаа, дутагдалд чин сэтгэлээсээ тэвчээртэй хандах
* Өөрийнхөөрөө зүтгэх шаардлагагүй үеийг харж мэдрэх чадвартай байх
* Бусдаас хүлээх зүйлдээ шударга ба бодитоор хандах
* Шүүмжлэгч байр сууриа орхих
* Уучлалыг нэгдүгээрт тавих
* Эелдэг даруу байхыг сонгох
* Утга учиргүй маргаанаас холдох
* Бусдыг алддаг гэдгийг хүлээн зөвшөөрөх
* Хүмүүс таны санаанд чинь заавал төгс төгөлдөр нийцэх албагүй гэдгийг ойлгох